Maromak hadomi nafatin ita, liu liu rai Letefoho no Atsabe no liu liu familia hosi Diacono Norberto Soares hosi Lasaun; Diacono Bento hosi Baboe Kraik; Diacono Lourenco hosi Lauana no Diacono Jose Maia hosi Ducurai, hodi hili oan sira ne'e ba Nailulik.
Dia 6, ne'e mai, sarani tomak sei haksolok boot hodi hare Jovem nain hat ne'e sae ba Altar nudar Nailulik hosi Amo D.Alberto Ricardo da Silva, nudar ordenante. Amo D. Basilio sei hola parte mos iha festa boot ne'e.
Ita agradece ba Maromak, ba Jovem sira ne'e nia generosidade rasik no ba mos sira nia familia no ita sei akompaina sira iha moris foun ne'e ho ita nia orasaun no domin.
PARABENS BA PADRE NORBERTO, PADRE BENTO, PADRE LOURENCO NO PADRE JOSE.
terça-feira, 5 de agosto de 2008
quarta-feira, 30 de julho de 2008
Abraco boot hosi Timor...
Agora hau sei iha Timor.
Husu reza nafatin mai ita nia rain.
Ho domin no amizade,
pdsoares
Husu reza nafatin mai ita nia rain.
Ho domin no amizade,
pdsoares
quinta-feira, 17 de julho de 2008
PARABENS & GOOD LUCK, JOVEM SIRA!

REFLEXAO DIARIA 20 Julho 2008 Loron ikus Jornada Mundial Juventude – Sydney Evangelho ba ohin, Domingo, XVI Comum: Mt. 13, 24-30 24Nia dehan tan aiknanoik ida ba sira: “Reinu lalehan nian hanesan ema ida nebe kuda fini diak iha nia to’os; 25maibe wainhira nia emar sira toba dau-daun, nia funubalun mai kuda du’ut aat iha trigu le’et, hafoin nia ba tiha. 26Wainhira trigu sai boot tiha hodi fo fuan, du’ut aat mos mosu. 27To’os na’in nia atan sira mai buka nia hodi dehan ba nia: ‘Na’i, ita boot la kuda fini diak iha ita nia to’os? Du’ut aat mai housi nebe?’ 28Nia hatan: ‘Ha’u nia funubalun ruma mak halo buat ne’e.’ Atan sira dehan ba nia: ‘Ita boot hakarak ami ba fokit tiha nia?’ 29 ‘Lae,’ nia dehan, ‘keta halo be hodi fokit du’ut aat, imi fokit mos trigu. 30Husik sira rua moris hamutuk ba; loron ko’a hare nian to’o mai mak ha’u sei dehan ba to’os atan sira: ‘Hili uluk du’ut aat ba hodi futu hamutuk atu sunu; trigu fali, halot tiha iha ha’u nia hoka.’” Ohin taka iha Sydney Jornada Mundial Juventude nian ba dala 23. Iha Semana ida ne’e nia laran Santa Igreja hosi Amo Papa no bispo sira hamutuk ho Jovem hadian Na’i nia to’os mak Jovem sira duni, kuda fini diak barak iha Jovem sira nia fuan. Maibe importante liu mak hotu tiha festa boot ida ne’e, oin sa’a kuidadu didiak toos ne’e atu ema aat, diabu, labele ba kuda fali duut aat iha toos ne’e nia laran. Amo Bispo no Paroco sira tenki buka fo nafatin atensaun ba Jovem sira, tanba dala barak mak Igreja lokal sira haluhan hela de’it Jovem sira, hodi kritika de’it sira. Ita hotu hotu tenki hanoin katak Igreja, nasaun ka familia nebe la iha Juventude, futuro la iha ona. Paroquia sira ho orientasaun hosi Amo Bispo sira tenki organiza Juventude, fahe responsabilidades ba sira. Hanoin kona ba sira nia formasaun espiritual, moral, afectiva, intelectual no espiritu sakrificiu nian. Ita labele hein katak aban bainrua sei mosu ema diak, se oras ne’e ita lakohi atu prepara sira. Maibe, buat nebe importante liu mak imi Jovem sira hanoin kona ba imi nia responsabilidade ba imi nia an rasik. Imi nia moris iha imi nia liman laran, maibe ema barak hakarak aproveita de’it imi, manipula imi ba sira nia interesse. Igreja bolu imi hamutuk atu reflecte hodi defende imi nia an, hosi duut aat nebe diabu hakarak kuda. Maromak halo imi mos iha isilolon, laran no klamar no Jesus bolu imi atu ho Espiritu Santu tulun imi mos nafatin: Ba fan o nia sasan hotu hotu – hamo’os o nia isilolon; fahe ba ema kiak sira – hamos o nia fuan; tuir Ha’u mai – hamos o nia klamar. Ho Espiritu Santo nebe imi simu iha Jornada, imi sei la fila kotuk ba Jesus. Parabens no Good luck! |
Subscrever:
Mensagens (Atom)

