REFLEXAO SEMANAL
XXVIII Tempo Comum
12 Outubro 2008
Evangelho Domingo ohin nian: Mt. 22,1-10
1Jesus koalia fali ho aiknanoik hodi dehan ba sira: 2 “Reinu lalehan nian hanesan liurai ida nebe halo festa kaben ba nia oan mane. 3Nia haruka atan sira atu ba bolu konvidadu sira ba festa, maibe sira lakohi mai. 4Nia haruka tan atan sira seluk dehan: ‘Dehan ba konvidadu sira: Aihan prontu tiha ona, ha’u nia karau ho balada bokur sira oho tiha ona, buat hotu nahe tiha ona, mai festa kasamento.’ 5Maibe, hanesan lia la kona sira, ida ba tiha nia to’os, ida ba nia kontratu, 6sira seluk, kaer tiha atan sira, baku sira no oho sira. 7Liurai, laran nakali teb-tebes, haruka nia soldadu sira atu oho ema aat sira ne’e hodi sunu sira nia sidade. 8Hafoin nia dehan ba atan sira: ‘Festa kaben prontu ona, maibe konvidadu sira la soi. 9Ne’e duni, imi ba dalan sira hodi konvida ba festa kaben nian ema hotu nebe imi hetan.’ 10Atan sira sai duni ba dalan sira no halibur hamutuk ema hotu nebe sira hetan, diak no aat hodi halo fatin festa kaben nian nakonu ho bainaka. 11Wainhira liurai tama atu hare bainaka sira, nia hare ema ida nebe la hatais unuk festa nian. 12Nia dehan ba ema ne’e: ‘Belun, oin sa o tama iha ne’e la hatais festa kaben nian?’ Ema ne’e nonok hela. 13Tan ne’e, liurai dehan ba atan sira: ‘Imi kesi metin nia liman ho ain, soe nia ba nakukun iha liur, iha neba, ema sei tanis no ruun nehan’ 14Basa Na’i bolu ema barak, maibe hili deit uitoan.”
Hanoin kona ba Leitura sira Domingo ohin nian:
1a. Leitura: Is.25,6-10°
2a. Leitura: Fl. 4,12-14.19-20
Evang. Mt.22, 1-14,
no hanoin mos kona ba plano ita nia prepara’an ba Festa boot Cristo Rei nian, leitura sira ne’e lori ita ba hanoin lolos kona ba Maromak Ninia Ukun Fuan Hat: “Hamtauk no hadomi Aman ho Inan no Naiulun sira.” Maibe atu Aman, Inan no Naiulun sira bele merece “respeito no domin” hosi Oan no Povo, sira tenki sai uluknanain Aman no Inan diak no Naiulun diak, hanesan Leitura sira hanorin. 1a. Leitura hanorin oin sa’a Aman ka Ukunain ida sei hala’o nia knaar; Evangelho, kona ba Inan ka Ukunain no 2a. Leitura, kona oan ka povo nebe, resultado diak hosi Aman-Inan ka Ukunain diak.
Na’i Maromak, ho Ninia Ukunfuan hat, hakarak ita nia moris iha HAKMATEK no DIAK nia laran, hodi haburas mundo ne’e no ita nia moris. Buat hotu Maromak hakarak harí iha Família, nebe hanesan lalatak Familia Santíssima Trindade nian iha rai: Aman hanesan Maromak Padre, Inan hanesan Maromak Filho no oan hanesan Maromak Espírito Santo. Hosi domin nebe Mane ho Feto ida hatudu ba malu, sira hatudu ona Maromak ba malu, tanba Mane no Feto nia diak mai hosi Maromak. Maibe diak nebe sira nain rua hetan, tanba domin sira sei labele tau hela de’it ba sira, maibe ba mos sira nia diak, sira tenki fahe hosi hahoris, hakiak no hanorin oan. Colabora ho Maromak atu kontinua knaar kriasaun nian no lori fali oan sira fila ba Maromak, tuir Maromak nia plano, atu nune’e Aman ho Inan, bele hetan hahi ho domin tuir Maromak Ninia Ukunfuan hat.
Maibe ba ne’e, Aman sei hala’o nia moris hanesan Aman Maromak nebe fo nafatin hakmatek ba ita, hanesan ita husu hosi orasaun Ami Aman. Inan sei hala’o nia moris hanesan Ita Na’in Jesus Cristo nebe dehan: “ Mai hotu Ha’u, imi nebe kole, laran mukit no terus, Ha’u sei fo kmaan ba imi.”
Ukunain sira, atu hetan mos hahi no domin hosi povo, sei hala’o mos nia knaar, nudar aman-inan ba povo. Oin seluk, ema sei la hamtauk, sei la hadomi. Hanesan Aman-Inan, ukunnain mos sei buka fo Maromak ba Povo, hanorin Lialos, hakiak Domin, fo Matenek no tulun ema atu hatene haterus’an hodi buka Maromak Ninia hakarak nafatin.
Oan sira ka Povo, tuir Ukunfuan hat haruka sei buka atu reconhece Aman-Inan no Ukunain sira nia kosarbén no terus hodi ho haraik’an no responsabilidade, halo tuir sira nia hanorin, hanesan sinal hahi no hadomi nian ba sira.
Igreja halo parte mos kona ba Naiulun nian, maibe hodi Maromak nia fatin, sei iha nafatin Aman-Inan-Naiulun, Oan-Povo nia sorin hodi tulun hotu-hotu hodi kumpre ida idak nia knaar, hodi hotu hotu ho hatais foun bele tama iha Liurai nia festa, hanesan ita rona iha Evangelho.
Pdsoares
quinta-feira, 16 de outubro de 2008
sexta-feira, 3 de outubro de 2008
Rahun aa ba o, Korazin! Rahun aat ba o, Betsaida!
REFLEXAO DIARIA
3 Outubro 2008
1ª. Sexta feira
Evangelho ba ohin, XVI Comum: Lc.10,13-16
13“Rahun aat ba o, Korazin! Rahun aat ba o, Betsaida! Basa, milagre sira nebe halo tiha iha o halo karik iha Tiro no Sidom, kleur ona mak sira hakribi sira nia sala hodi hatais karon no taka sira an ho ahikdesan. 14Maibe iha loron tesi lia nian, Tiro no Sidonia sei la hetan susar hanesan imi. 15O mos, Kafarnaum, hakarak foti an to’o lalehan? Ema sei hamonu o to’o inferno!”16“Ema nebe rona imi rona Ha’u, no ema nebe hakribi imi hakribi Ha’u; maibe ema nebe hakribi Ha’u, hakribi Ida nebe haruka Ha’u mai.”
Ba ema nebe ita la gosta, nia naran ita foti riba tun, riba sa’e. Maibe ida nebe ita gosta, ita temi domin no respeito tomak. Na’i Maromak Ninia Naran mos dala ruma ita seidauk temi ho domin no respeito tomak, tanba ita nia domin ba Maromak mos seidauk maka’as. Maibe atu haklean no hametin ita nia domin ba Maromak mos, precisa ita nia haka’as an, atu rekoinece diak tomak nebe Maromak halo hela ona mai ita tanba domin hodi selu fali domin ne’e ho ita nia domin iha ita nia hahalok hotu hotu.
Na’i Jesus koalia maka’as ba ema Korazim, Betsaida no Kafarnaun sira tanba sira lakohi loke matan ba haré Maromak Nia Domin ba sira hosi milagre nebe Na’i Jesus halo ba sira. Jesus mai karik oras ne’e, sei la koalia hanesan ba ita? Ba ita ita mos Santa Kreda hodi Na’i Jesus ninia fatin koalia nafatin mai ita, hodi lakohi “rona” no “hakribit” nafatin. Iha ita nia liafuan sira nebe ita hakotu dala hira ona ba Maromak, iha loron Baptismo, Primeira Komuinaun, Krisma ka Kazamentu, dala barak mak ita la kumpre. Ita jura falsu.
Hateke ba Na’i Jesus nebe mate no husik ema sona borus Ninia Futar Fuan iha Kruz, iha Primeira Sexta ida ohin, ita husu Ninia tulun atu ita labele husik nafatin ita nia fuan to’os no dok hosi Maromak. Sinal nebe Na’i Jesus hatudu mai iha Kruz ho Fuan nakle’es atu hanorin ita atu hatene troka ita nia fuan, ita nia domin hosi Mundu ba Maromak. Sala hasoru Ukun Fuan rua, katak sala hasoru Maromak nia Domin mai ita.
pds
3 Outubro 2008
1ª. Sexta feira
Evangelho ba ohin, XVI Comum: Lc.10,13-16
13“Rahun aat ba o, Korazin! Rahun aat ba o, Betsaida! Basa, milagre sira nebe halo tiha iha o halo karik iha Tiro no Sidom, kleur ona mak sira hakribi sira nia sala hodi hatais karon no taka sira an ho ahikdesan. 14Maibe iha loron tesi lia nian, Tiro no Sidonia sei la hetan susar hanesan imi. 15O mos, Kafarnaum, hakarak foti an to’o lalehan? Ema sei hamonu o to’o inferno!”16“Ema nebe rona imi rona Ha’u, no ema nebe hakribi imi hakribi Ha’u; maibe ema nebe hakribi Ha’u, hakribi Ida nebe haruka Ha’u mai.”
Ba ema nebe ita la gosta, nia naran ita foti riba tun, riba sa’e. Maibe ida nebe ita gosta, ita temi domin no respeito tomak. Na’i Maromak Ninia Naran mos dala ruma ita seidauk temi ho domin no respeito tomak, tanba ita nia domin ba Maromak mos seidauk maka’as. Maibe atu haklean no hametin ita nia domin ba Maromak mos, precisa ita nia haka’as an, atu rekoinece diak tomak nebe Maromak halo hela ona mai ita tanba domin hodi selu fali domin ne’e ho ita nia domin iha ita nia hahalok hotu hotu.
Na’i Jesus koalia maka’as ba ema Korazim, Betsaida no Kafarnaun sira tanba sira lakohi loke matan ba haré Maromak Nia Domin ba sira hosi milagre nebe Na’i Jesus halo ba sira. Jesus mai karik oras ne’e, sei la koalia hanesan ba ita? Ba ita ita mos Santa Kreda hodi Na’i Jesus ninia fatin koalia nafatin mai ita, hodi lakohi “rona” no “hakribit” nafatin. Iha ita nia liafuan sira nebe ita hakotu dala hira ona ba Maromak, iha loron Baptismo, Primeira Komuinaun, Krisma ka Kazamentu, dala barak mak ita la kumpre. Ita jura falsu.
Hateke ba Na’i Jesus nebe mate no husik ema sona borus Ninia Futar Fuan iha Kruz, iha Primeira Sexta ida ohin, ita husu Ninia tulun atu ita labele husik nafatin ita nia fuan to’os no dok hosi Maromak. Sinal nebe Na’i Jesus hatudu mai iha Kruz ho Fuan nakle’es atu hanorin ita atu hatene troka ita nia fuan, ita nia domin hosi Mundu ba Maromak. Sala hasoru Ukun Fuan rua, katak sala hasoru Maromak nia Domin mai ita.
pds
quinta-feira, 2 de outubro de 2008
Na'i Maromak Nia Anjo Santo, hein didiak hau...
REFLEXAO DIARIA
2 Outubro 2008
Santos Anjos da Guarda
Evangelho ba ohin: Mt.18,1-5.10
1Iha oras neba, eskolante sira hakbesik ba Jesus hodi husu ba Nia: “Se mak boot liu iha reinu lalehan?” 2Nia bolu labarik ida, tau nia iha sira klaran 3hodi dehan ba sira: “Tebes, Ha’u dehan ba imi: imi la hakribi imi nia sala no sai hanesan labarik sira karik, imi sei la tama iha reinu lalehan. 4Ne’e duni, ema nebe haraik an hanesan labarik ne’e, nia mak boot liu iha reinu lalehan. 5Ema nebe simu labarik ida hanesan ne’e tan Ha’u nia naran, nia simu Ha’u.
10“Keta hewai kiik oan sira ne’e ida, basa Ha’u dehan ba imi katak sira nia anju sira fihir nafatin Ha’u Aman lalehan nia futar oin.”
“Keta jura falsu, keta temi let Na’i Maromak nia naran!”, ne’e mak Na’i Maromak ninia Ukun fuan rua. Na’i Maromak nia naran nebe bele besik liu ba ita ema mak Ita Na’in Jesus Cristo nian. Tanba Ita Na’in Jesus mak mai horik ho ita, hanorin ita, terus no mate tanba ita, bolu ita atu hala’o knaar maksoin hamutuk ho Nia no hela hamutuk ho ita iha Santíssima Eucaristia. Ne’e duni, temi Jesus, ba ita bele sai hanesan temi naran ida nebe furak no midar tebes, naran ida nebe bele besik liu ita no bele lulik liu mai ita. Besik liu tanba a’i Jesus tama too ita nia fuan hosi komuinaun no lulik tanba Jesus Maromak no bele halo milagre barak tebes mai ita, ba ita nia nia salvasaun.
Maibe dala barak ho ita nia foti’an, ita temi Maromak Ninia naran hodi rasta de’it ba rai eh uza atu subar lialós ba malu no temi Na’i Jesus nia Naran mos hanesan. Kondisaun atu ita labele halo hanesan ne’e mak ita tenki sai hanesan labarik hodi simu Maromak nia hanorin no halo tuir Ninia Ukunfuan sira:”... imi la hakribi imi nia sala no sai hanesan labarik sira karik, imi sei la tama iha reinu lalehan.”
Ohin, ita halo festa ba ita nia Anjo da Guarda, Anjo nebe Maromak fo mai ita ida idak atu hein no akompaina ita. Ita sei hakas’an atu iha devosaun boot ba ita ida idak ninia Anjo da Guarda atu tulun nafatin ita moris tuir Na’i Maromak Ninia Ukunfuan sira. Reza nafatin “Orasaun ba anjo hein ita”, no ita nia Anjo sei la husik ita monu ba diabu ninia babeur.
pds
2 Outubro 2008
Santos Anjos da Guarda
Evangelho ba ohin: Mt.18,1-5.10
1Iha oras neba, eskolante sira hakbesik ba Jesus hodi husu ba Nia: “Se mak boot liu iha reinu lalehan?” 2Nia bolu labarik ida, tau nia iha sira klaran 3hodi dehan ba sira: “Tebes, Ha’u dehan ba imi: imi la hakribi imi nia sala no sai hanesan labarik sira karik, imi sei la tama iha reinu lalehan. 4Ne’e duni, ema nebe haraik an hanesan labarik ne’e, nia mak boot liu iha reinu lalehan. 5Ema nebe simu labarik ida hanesan ne’e tan Ha’u nia naran, nia simu Ha’u.
10“Keta hewai kiik oan sira ne’e ida, basa Ha’u dehan ba imi katak sira nia anju sira fihir nafatin Ha’u Aman lalehan nia futar oin.”
“Keta jura falsu, keta temi let Na’i Maromak nia naran!”, ne’e mak Na’i Maromak ninia Ukun fuan rua. Na’i Maromak nia naran nebe bele besik liu ba ita ema mak Ita Na’in Jesus Cristo nian. Tanba Ita Na’in Jesus mak mai horik ho ita, hanorin ita, terus no mate tanba ita, bolu ita atu hala’o knaar maksoin hamutuk ho Nia no hela hamutuk ho ita iha Santíssima Eucaristia. Ne’e duni, temi Jesus, ba ita bele sai hanesan temi naran ida nebe furak no midar tebes, naran ida nebe bele besik liu ita no bele lulik liu mai ita. Besik liu tanba a’i Jesus tama too ita nia fuan hosi komuinaun no lulik tanba Jesus Maromak no bele halo milagre barak tebes mai ita, ba ita nia nia salvasaun.
Maibe dala barak ho ita nia foti’an, ita temi Maromak Ninia naran hodi rasta de’it ba rai eh uza atu subar lialós ba malu no temi Na’i Jesus nia Naran mos hanesan. Kondisaun atu ita labele halo hanesan ne’e mak ita tenki sai hanesan labarik hodi simu Maromak nia hanorin no halo tuir Ninia Ukunfuan sira:”... imi la hakribi imi nia sala no sai hanesan labarik sira karik, imi sei la tama iha reinu lalehan.”
Ohin, ita halo festa ba ita nia Anjo da Guarda, Anjo nebe Maromak fo mai ita ida idak atu hein no akompaina ita. Ita sei hakas’an atu iha devosaun boot ba ita ida idak ninia Anjo da Guarda atu tulun nafatin ita moris tuir Na’i Maromak Ninia Ukunfuan sira. Reza nafatin “Orasaun ba anjo hein ita”, no ita nia Anjo sei la husik ita monu ba diabu ninia babeur.
pds
Subscrever:
Mensagens (Atom)
