sábado, 19 de abril de 2008

2005 19 Abril 2008 - Loron Amo Papa Bento XVI nian

Parabens, Amo Papa!
Amo Papa Bento XVI celebra tiha nia tinan moris iha America, ohin loron 19, fulan Abril, celebra tan iha neba ninia tinan 3 nudar Papa.
Ita hein atu Nasaun boot America, compreende Amo Papa ninia atitude ne'e. Presidente Bush hatudu tiha ona ninia considerasaun boot ba Amo Papa, nebe nia Presidente America ida seidauk hatudu ba naran Presidente seluk nebe ba visita America. Nia ho nia senhora ba simu iha aeroporto. Simu Amo Papa iha Casa Branca iha loron Amo Papa ninia tinan, comemora loron ksolok ne'e, oficialmente, no prepara tan jantar ida ba Amo Papa, maski Amo Papa labele ba hola parte tanba iha tiha ona programa seluk: hasoru malu ho Amo Bispo sira America nian.
Ita reza ba Amo Papa, nebe iha tinan tolu ne'e nia laran, nia buka cumpre ninia plano pastoral, nebe hanesan Jesus Bibiatan diak, ba buka bibi nebe lakon. Nia ba to'o ona to'o Islam sira, too Turkia, hodi hetan ameasa oi oin; nia ba buka matenek sira, nebe lakohi simu nia iha Universidade ida Roma nian; agora nia ba buka ema rico no kbiit nain sira iha America.
Inan Virgem sei tau matan ba nia oan doben ida ne'e!
Parabens Amo Papa Bento XVI

sexta-feira, 18 de abril de 2008

Dr Ramos Horta fila fali ona ba Timor


Ita agradece ba Maromak tanba ita nia Presidente Ramos Horta recupera fali ona nia saude hodi bele fila ba hala'o nia knaar.
Maibe ita sei reza mos atu nia bele hala'o lolos nia knaar no nudar aman ba Povo, labele rai odio ho vingansa ba naran ema ida. Buat hotu hotu tenki liu hosi dalan justisa nian. No tenki hare tanba sa'a, situasaun ne'e mosu, hodi halo ema barak lakon nia vida, sasan no hakiak nasaun ida nebe sai at los ba ema hotu hotu, liu liu ba loromonu sira'
Sira nebe mak responsaveis ba situasaun ida ne'e, nebe hahu hosi Abril 2006, hosi boot sira too kiik labele fase liman. Maun boot Ramos Horta, Premio Nobel da Paz, labele ukun Nasaun Timor Loro Sa'e iha lia bosok no injustisa nia leten. Maromak sei la haluhan Povo Timor nia terus! Nossa Senhora Ramelau, Aitara no Virgem Peregrina iha Fatubessi sei tulun ita.